دوسری جانب پیپلز پارٹی کے رہنما سعید غنی نے پیپلز بس کے افتتاح پر ویڈیو بیان میں کہا ہے کہ سندھ حکومت کے لئے بہت خوشی کی بات ہے، یہ منصوبہ تاخیر کا شکار ہو رہا تھا  جس پرمیں کراچی والوں سے معذرت خواہ ہوں۔

انہوں نے کہا کہ آج سے لاڑکانہ کے شہری اور کراچی کے شہری ان بسز میں سفر شروع کر دیں گے، ان بسز میں سفر کرنے کیساتھ ساتھ ان بسز کا خیال بھی کریں گے۔

  سعید غنی نے کہا ہے کہ میں بار بار گزارش کر رہا ہوں کہ ان بسز کو اپنی گاڑی کی طرح ، اپنی  موٹر سائیکل کی طرح اور اپنے گھر کی طرح سمجھیں،  اپنی پراپرٹی اپنا اثاثہ سمجھیں تاکہ یہ دیر تک شہریوں کے سامنے آسکیں۔

پیپلز پارٹی کے رہنما نے کہا کہ کرایا بھی مناسب ہے، ایئر کنڈیشن بسیں ہیں اور شہری ان بسز میں سفر آرام سے کر سکتے ہیں۔