مرتضیٰ وہاب نے کہا ہے کہ حدود و قیود کی بحث کے بغیر برساتی نالے صاف ہونے چاہئیں۔

  ایڈمنسٹریٹر کراچی مرتضیٰ وہاب نے کراچی کے مختلف نالوں کی صفائی کے کام کا جائزہ لیا اور شہر کے چھوٹے بڑے نالے مکمل صاف کرنے کی ہدایت دی۔

انہوں نے کہا کہ نالوں کا چوک ہوجانا اہم مسئلہ ہے صفائی کو یقینی بنایا جائے تاکہ بارش کی صورت میں نکاسی آب مکمل طریقے سے ہوسکے، گزشتہ بارشوں میں ہم سب نے محنت کی اور شہریوں کو دشواری کا سامنا نہیں ہوا، یہ ایک ٹیم ورک کا نتیجہ تھا یہی ٹیم ورک درکار ہے۔

مرتضیٰ وہاب نے کہا ہے کہ حدود و قیود کی بحث کے بغیر برساتی نالے صاف ہونے چاہئیں، مجھے امید ہے تمام بلدیاتی ادارے اسپرٹ کا مظاہرہ کرینگے، امید ہے برساتی پانی کی نکاسی میں کسی قسم کی کوتاہی نہیں ہوگی۔