پاکستان میں تعینات ترک سفیر کی جانب سے نیول ہیڈکوارٹرز کا دورہ کیا گیا ہے جس دوران انہوں نے چیف آف دی نیول اسٹاف سے الوداعی ملاقات بھی کی۔

ترجمان پاک بحریہ کے مطابق پاکستان میں تعینات ترک سفیر جناب احسان مصطفٰی یرداکل نے نیول ہیڈ کوارٹرز اسلام آباد کا دورہ کیا ہے۔

ترجمان نے بتایا کہ دورے کے دوران ترک سفیر نے چیف آف دی نیول اسٹاف ایڈمرل محمد امجد خان نیازی سے الوداعی ملاقات کی۔

ترجمان نے بتایا کہ ملاقات کے دوران بحری تعاون کے مزید فروغ سمیت باہمی دلچسپی کے امور پر تبادلہ خیال کیا گیا ہے۔

ترجمان پاک بحریہ کا کہنا تھا کہ اس موقع پر نیول چیف نے دونوں برادر ممالک کے مابین تعلقات کے فروغ اور تعاون کو مزید مستحکم کرنے پر جناب احسان مصطفٰی یرداکل کی خدمات کو سراہا ہے۔