پاکستان کے مشہور و معروف اداکار بہروز سبزواری نے مشہور ڈرامہ نگار خلیل الرحمٰن سے متعلق اپنے بیان پر ان سے معافی مانگ لی ہے۔

اداکار نے تابش ہاشمی کے شو ’ہنسنا منع ہے‘ میں کہا کہ  خلیل الرحمٰن قمر رائٹر نہ ہوتے تو انہیں  پیٹا جاتا ،جس پر انہوں نے بعد میں معافی مانگتے ہوئے کہا کہ وہ مذاق کر رہے تھے اور ان کا مقصد کسی کے جذبات کو ٹھیس پہنچانا نہیں تھا۔

بہروز سبزواری نے امید ظاہر کرتے ہوئے کہا کہ خلیل الرحمٰن قمر انہیں معاف کر دیں گے۔

جیسے ہی ویڈیو  تمام سوشل میڈیا پلیٹ فارمز پر وائرل ہوئی تو بہروز سبزواری نے فوری طور پر خود ہی معافی مانگ لی۔

ان کا کہناتھا کہ میں خلیل الرحمٰن  قمر سے معافی مانگنا چاہتا ہوں جنہیں میں نے اپنے بیان سے تکلیف پہنچائی ہے، اس کا مطلب صرف ایک مذاق تھا، وہ بہت اچھےدوست ہیں۔

اداکار نے یہ بھی کہا کہ  میں نے صرف وہی کہا جو میں نے ان کے  دو ٹوک انداز بیان  کو دیکھتے ہوئے محسوس کیا اور اگر اس سے کسی کے جذبات کو ٹھیس پہنچی ہو تو میں معذرت خواہ ہوں۔

اس سارے معاملے کے بعد خلیل الرحمٰن  نے ردعمل دیتے ہوئے  اپنے ٹویٹر اکاؤنٹ پر لکھا کہ بہروز بھائی کی ویڈیو کے حوالے سے کوئی ٹی وی چینل یا یوٹیوبر  مجھ سے رابطہ نہ کرے، مجھے معلوم ہے انہوں نے جو کہا مذاق میں کہا۔

ڈرامہ نگار نے لکھا کہ ان سے ایسی محبت ہے کہ وہ جو چاہے میرے بارے میں کہہ سکتے ہیں۔

بہروز بھائی کی یہ ویڈیو دیکھ کر میری درخواست ہے کہ اس حوالے سے کوئی چینل یا u ٹیوبر مجھ سے رابطہ نہ کرے
مجھے معلوم ہے ایسی کوئی بات انھوں نے محض مذاق میں کہی تھی اور ان سے میری محبت ایسی ہے کہ وہ میرے بارے میں جو جی میں آۓ کہہ سکتے ہیں
سر تسلیم خم pic.twitter.com/BDNN3durn7

— Khalil Ur Rehman Qamar (@KrqOfficial) June 28, 2022

دوسری جانب خلیل الرحمٰن  قمر اکثر ہی مختلف مختلف اسکینڈلز کی زد میں رہتے ہیں ۔

خلیل الرحمٰن قمر متعدد مشہور ٹیلی ویژن ڈراموں کے مصنف بھی ہیں جن میں سے ایک مشہور ’میرے پاس تم ہو ہے‘۔