ناظم جوکھیو قتل کیس میں عدالت نے پولیس کی جانب جمع کروائے گئے چالان پر فیصلہ ایک بار پھر مؤخرکردیا۔ 

تفصیلات کے مطابق کراچی میں جوڈیشل مجسٹریٹ ملیر کی عدالت میں ناظم جوکھیو قتل کیس کی سماعت ہوئی۔

عدالت نے پولیس کی جانب جمع کروائے گئے چالان پر فیصلہ ایک بار پھرمؤخر کرتے ہوئے ریمارکس دیے کہ پولیس چالان منظور کرنے یا نہ کرنے کا فیصلہ 16 جولائی کو ہوگا۔

پولیس کیس میں سے پیپلزپارٹی کی رکن قومی اسمبلی جام عبدالکریم، رکن سندھ اسمبلی جام اویس سمیت 13 ملزمان کے نام خارج کرنے کی سفارش کر رکھی ہے۔

پولیس کی جانب سے کیس میں صرف تین ملزمان کو نامزد کیا گیا ہے جبکہ پولیس نے عدالتی حکم پر کیس میں سے دہشت گردی کی دفعات ختم کردی تھیں۔

ناظم جوکھیو کو نومبر2021 میں ملیر میمن گوٹھ کی حدود میں تشدد کرنے کے قتل کردیا گیا تھا۔