دن کا آغاز بھرپورناشتہ سے ہونا چاہئے کیونکہ یہ دن کی پہلی غذا ہوتی ہے اس میں وہ تمام غذائی اجزاء ہونے چاہئے جو آپ کوصحت مند رکھنے کے ساتھ فوری توانائی بھی فراہم کرے اس کی بنیادی وجہ رات بھر پیٹ کا خالی ہونا ہے اسی لئے تازہ دم ہونے کے لئے صبح کا ناشتہ نہایت اہمیت رکھتا ہے لیکن فی زمانہ لوگوں کے پاس اتنا وقت نہیں ہے کہ وہ ناشتہ میں ان تمام اہم غذائی اجزاء کو شامل کر سکیں جو صحت کے لئے ضروری سمجھے جاتے ہیں۔

یہاں پر چند آسان جلد تیار ہونے کے ساتھ صحت سے بھر پور ناشتے کی تراکیب پیش کی جارہی ہیں جو یقیناً آپ کی صحت پر اچھے اثرات مرتب کریں گی۔

آپ کے ناشتہ کا پیالہ اسٹربیریز، ناشپاتی، دلیہ اور پستے پر مشتمل ہونا چاہئے

ترکیب:

 ایک تہائی کپ دلیہ ایک تہائی کپ المنڈ ملک(بادام کے دودھ) میں رات بھربھگا ہوا، کٹی ہوئی ایک درمیانے سائز کی ناشپاتی، کٹی ہوئی مٹھی بھراسٹرابیری، ایک کھانے کا چمچ کٹے ہوئے پستے ان سب کا بنا ہوا ایک پیالہ آپ کا بہتریں ناشتہ ہے۔

رسبیری، بلیک کرنٹ، رائی کی بریڈ اور پستے

ترکیب:

رائی کی بریڈ کا ایک سلائس، مٹھی بھر رسبیری، مٹھی بھر بلیک کرنٹ دو کھانے کے چمچ دہی اور ایک کھانے کا چمچ کٹے ہوئے پستہ اس طرح کا ناشتہ آپ کی توانائی کو فوری بحال کرتا ہے۔

ریڈ گریب فروٹ(لال چکوترہ)، کیوی، برین فلیکس(چوکر)، تخم بالانگہ

ترکیب:

ایک تہائی کپ برین فلیکس، ایک کٹا ہواکیوی، آدھا کٹا ہواریڈ گریپ فروٹ، دو کھانے کے چمچ دہی ایک چائے کا چمچ تخم بالانگا یہ سب آپ کی بہتر صحت کی ضامن ہے۔

مشروم،گرین بینز(سبز پھلیاں)، چاول اورانڈہ

ترکیب:

ایک چوتہائی کپ ابلے ہوئےچاول ایک فرائی کیے ہوئے مشروم، مٹھی بھراسٹیمڈ چھوٹی سبز پھلیاں، آدھا کٹا ہوا ایواکاڈو، ایک تلا ہواانڈہ اور ایک چائے کا چمچ بھنے ہوئے تل یہ سب بطور ناشتہ صحت کے لئے بہترین ہیں۔

بلیک کرنٹ، میلن(خربوزہ)، دلیہ اور سورج مکھی کے بیج

ترکیب:

ایک تہائی کپ دلیہ آلمنڈ ملک اور ایک چائے کا چمچ آلمنڈ بٹر(بادام کےمکھن) میں رات بھر بھیگا ہوا، چند کٹے ہوئے خربوزے کے ٹکڑے، مٹھی بھربلیک کرنٹ اورایک کھانے کا چمچسورج مکھی کے بیج یہ بھی ناشتے کے لئے صحت بخش ہے۔