صدر مملکت ڈاکٹر عارف علوی نے پاکستان ایئر فورس، ایئر وار کالج انسٹیٹیوٹ کی سینیٹ کے ممبران کی تعیناتی کی منظوری دے دی ہے۔

تفصیلات کے مطابق ایئر وار کالج کے سینیٹ ممبران میں صدر مملکت،  چیف آف ایئر اسٹاف، پی ایس او ٹریننگ اور صدر ایئر وار کالج  بحیثیت ایکس آفیشو ممبران شامل ہیں۔

علاوہ ازیں ممبران میں 1وفاقی حکومت کا نمائندہ اور متعلقہ شعبوں کے 4 ماہرین شامل ہیں جبکہ سینیٹ ممبران میں 1 ایلومنائی، تدریسی شعبے کے 2 نمائندے اور 4 فیکلٹی ممبران بھی شامل ہیں۔

ایچ ای سی نمائندہ، رجسٹرار اور ڈائریکٹر کیو ای سی بھی بطور ممبران تعینات کردیئے گئے ہیں۔

خیال رہے کہ صدر مملکت پی اے ایف ایئر وار کالج انسٹیٹیوٹ ایکٹ 2021ء کے تحت ادارے کے پیٹرن ہیں۔

واضح رہے کہ صدر مملکت نے ممبران کی تعیناتیاں ایکٹ کے سیکشن 8 (تین) کے تحت کیں۔