پاکستان تحریک انصاف کے رہنما سردار سبطین خان نے کہا ہے کہ ایوان کے تقدس کا خیال رکھنا اپوزیشن  اور حکومت دنوں پر  لازم  ہے۔

اپنے جاری کردہ بیان میں پاکستان تحریک انصاف کے رہنما سردار سبطین خان نے کہا کہ اسپیکر کون بنتا یے یہ مقدر کی بات ہے۔

انہوں نے کہا کہ ایوان کو اچھے انداز میں چلا جائے گا ، ایوان کے تقدس کا خیال رکھنا اپوزیشن  اور حکومت دنوں پر ہے۔

واضح رہے کہ پنجاب اسمبلی  میں اسپیکر کے انتخاب کے لئے اہم اجلاس آج شام 4 بجے منعقد ہوگا۔

 پنجاب اسمبلی کے عہدے کے لئے حکومتی اتحاد کے نامزد امیدوار  سبطین خان نے کاغذات نامزدگی جمع کرادیئے ہیں جبکہ اپوزیشن اتحاد کی جانب سے سیف الملوک کھوکھر نے کاغذات نامزدگی جمع کروائے ہیں۔

سیکرٹری اسمبلی نے جانچ پڑتال کے بعد دونوں امیدواروں کے کاغذات نامزدگی منظور کر لئیے ہیں تاہم اسپیکر کے انتخاب کے لیے 186 کی سادہ اکثریت درکار ہے۔

حکومتی اتحاد کے پاس 186 نمبر پورے ہیں جبکہ اپوزیشن اتحاد کے پاس 179 اراکین موجود ہیں۔

خیال رہے کہ چوہدری پروزی الٰہی کے وزیراعلیٰ پنجاب بننے کے بعد اسپیکر پنجاب اسمبلی کا عہدہ خالی ہے جس کے لئے حکومتی اتحاد سے سبطین خان کا نام سامنے آیا ہے جبکہ اپوزیشن کی  جانب سے سیف الملوک کھوکھر کا نام دیا گیا ہے۔

دوسری جانب پنجاب اتحاد حکومت کی جانب سے ڈپٹی اسپیکر دوست مزاری کے خلاف عدم اعتماد کی تحریک جمع کرادی گئی ہے جسے ایوان نے اکثریت رائے سے منظور بھی کرلیا ہے۔