قدرت نے تمام ہی سبزیوں اورپھلوں میں ایسے غذائی اجزاء رکھیں ہیں جو آپ کی مجموعی صحت کو برقرار رکھنے میں مددگار ثابت ہوتے ہیں لیکن کچھ پھلوں اورسبزیوں کوملا کر استعمال کرنے سے حیرت انگیز نتائج بر آمد ہوتے ہیں۔

اسی طرح سیب اور پالک کو ملا کر تیار کیا جانے والا مشروب ہڈیوں  کی مضبوطی کے لئے کسی پاورہاؤس سےکم نہیں، سبز رنگ لئے اس مشروب میں وٹامن اے، سی بطور اینٹی ایکسیڈینٹ جبکہ کیلشیم ہڈیوں کو صحت مند رکھنے اپنا ثانی رکھتا۔ اس کی سب سے خاص بات یہ ہے کہ یہ ذیابیطس مریضوں کے لئے موزوں، کم کاربو ہائیڈریٹ اور گلوٹن سے پاک ہوتا ہے۔

اجزاء:

اس مشروب کی تیاری کے لئے جو اجزاء درکار ہیں ان میں  دو سبزسیب، دو بڑے ٹکڑےسیلری، ڈیڑھ کپ پالک، آدھا چکوترہ اورایک انچ کا ٹکڑا چھلی ہوئی ادرک اور حسب ضرورت برف شامل ہے۔

تیاری:

ان تمام اجزاء کو دوگلاس  پانی کے ساتھ  جوسرمیں ڈال کراچھی طرح مکس کریں، اور فورااستعمال کریں۔

غذائیت:

اس مشروب سے 55 کیلوریز، صفر چکنائی، صفر نمک، صفر کولیسٹرول، 13 گرام کاربوہائیڈریٹ، صفر چینی، 1 گرام پروٹین، 1گرام فائبر، 60 ملی گرام سوڈیم اور 150 ملی گرام پوٹا شیم حاصل ہوتا ہے۔