ترجمان پی ڈی ایم حافظ حمداللہ نے کہا ہے کہ عمران نیازی جمہوریت کے نام پر سیاہ دھبہ ہیں۔

تفصیلات کے مطابق ترجمان پی ڈی ایم حافظ حمداللہ نے اپنے بیان میں کہا ہے کہ 17 جولائی پنجاب گراؤنڈ میں تاریخی اور سیاسی ٹوئنٹی ٹوئنٹی ہوگا، عمران اینڈ گوگی الیون شرمناک عبرتناک شکست سے دوچار ہوگا۔

انہوں نے کہا کہ مریم اینڈ نواز الیون کی بھاری اسکور سے جیت یقینی ہے، اس بار کھیل میں کپتان کے ساتھ امپائر نہیں ہے، عمران نیازی جمہوریت کے نام پراور جمہوریت کے چہرے پر تاریخ کا سیاہ دھبہ ہیں۔

     حافظ حمداللہ نے کہا ہے کہ ووٹ کی طاقت سے پنجاب کی عوام یہ سیاہ دھبہ دھوئے گی۔