ناظم جوکھیوقتل کیس میں پولیس چالان منظورکرنے یا نہ کرنے کا فیصلہ مؤخرکر دیا گیا۔

تفصیلات کے مطابق ناظم جوکھیو قتل کیس کی جوڈیشل مجسٹریٹ ملیر کی عدالت میں سماعت ہوئی۔

جوڈیشل مجسٹریٹ ملیر نے ناظم جوکھیو قتل کیس میں پولیس چالان منظور کرنے یا نہ کرنے کا فیصلہ 7 جولائی تک مؤخر کردیا۔

عدالت میں جمع کرائے گئے پولیس چالان میں جام عبدالکریم، جام اویس اور 13 ملزمان کے نام خارج کرنے کی سفارش کی گئی۔

پولیس کی جانب سے قتل کیس کے چالان میں صرف 3 ملزمان کو نامزد کیا گیا ہے جبکہ عدالتی حکم پر کیس میں سے دہشت گردی کی دفعات بھی ختم کردی گئی ہیں۔

واضح رہے کہ ناظم جوکھیو کو نومبر 2021 میں میمن گوٹھ میں تشدد کرکے قتل کیا گیا تھا۔

حلیم عادل شیخ کے خلاف کیس

دوسری جانب انسداد دہشت گردی عدالت کراچی نے پی ٹی آئی رکن سندھ اسمبلی حلیم عادل شیخ و دیگر کے خلاف کیس کی سماعت بغیر کارروائی کے 2 اگست تک ملتوی کردی۔

حلیم عادل شیخ و دیگرکے خلاف جلاؤ گھیراؤ اور دہشت گردی کی دفعات کے تحت مقدمات درج ہیں۔

ملزمان پر پی ایس 88 کے ضمنی انتخابات میں ہنگامہ آرائی کا الزام ہے۔