طوفانی بارشوں کے باعث گھر کی چھت گرنے سے 5 افراد زخمی ہوگئے ہیں۔

تفصیلات کے مطابق یہ افسوسناک واقعہ علی پور میں  تھانہ صدر کی حدود بستی ڈھنڈھ والا میں پیش آیا ، جہاں تیز بارش کے باعث مکان کی چھت گرنے سے پانچ افراد شدید زخمی ہوگئے ہیں۔

ریسکیو حکام کا کہنا ہے کہ زخمیوں میں 36 سالہ محمد جاوید، 32 سالہ شفعو بی بی ، 15 سالہ شمائلہ بی بی،05 سالہ سمیرا بی بی اور 8 سالہ محمد نعیم شامل ہیں۔

 ریسکیو حکام نے بتایا کہ زخمیوں کو چھت کے ملبے سے نکال کر طبعی امداد فراہم کر کے ٹی ایچ کیو علی پور منتقل کیا جارہا ہے۔

واضح رہے کہ کچھ ماہ قبل ہی کراچی کے علاقے مچھر کالونی سراجی چوک بابری مسجد کے قریب بھی مکان کی چھت گرنے سے 03 خواتین جاں بحق جبکہ 2 خاتون زخمی ہوگئی تھیں۔