پاکستان تحریک انصاف کے رہنما زلفی بخاری نے کہا ہے کہ آج بہت سے مافیاز ہاریں گے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں پاکستان تحریک انصاف کے رہنما  زلفی بخاری نے لکھا کہ آج پھر جمعہ ہے،  آج زمین پر موجود بہت سے بت ٹوٹیں گے اور بہت سے مافیاز ہاریں گے۔

آج پھر جمعہ ہے 😉
آج زمین پر موجود بہت سے بت ٹوٹیں گے اور بہت سے مافیاز ہاریں گے۔

Advertisement

زرداری کے سیاسی مفاہمت کا بادشاہ ہونے کا خول بھی ٹوٹے گا ۔
اور ثابت ہو جائے گا کہ بادشاہی صرف اللہ کی ہے !

— Sayed Z Bukhari (@sayedzbukhari) July 22, 2022

جاری کردہ ٹوئٹ میں زلفی بخاری  لکھتے ہیں کہ زرداری کے سیاسی مفاہمت کا بادشاہ ہونے کا خول بھی ٹوٹے گا۔

انہوں نے مزید کہا کہ آج ثابت ہو جائے گا کہ بادشاہی صرف اللہ کی ہے۔

واضح رہے کہ پنجاب میں وزیراعلیٰ پنجاب کے انتخاب کے لئے صوبائی اسمبلی کا اہم اجلاس آج ہوگا جس میں  حمزہ شہباز اور چوہدری پرویز الہٰی آمنے سامنے ہونگے۔

سپریم کورٹ کے حکم پر پنجاب اسمبلی کا اجلاس آج شام چار بجے ہوگا جس کی صدارت ڈپٹی اسپیکر سردار دوست محمد مزاری کریں گے۔

پاکستان تحریک انصاف اور مسلم لیگ ن دونوں کی جانب سے جیت کے دعوے کیے جارہے ہیں، پی ٹی آئی کے 188 ن لیگ اور اتحادیوں کے 178 اراکین اسمبلی کا ٹاکرا ہوگا جن میں تحریک انصاف کے 2 ارکان اپنا ووٹ کاسٹ نہیں کرسکیں گے۔

ارکان آج شو آف ہینڈ کے ذریعے حق رائے دہی استعمال کریں گے، پنجاب اسمبلی میں پی ٹی آئی کے ضمنی انتخابات میں کامیاب ہونے والے 15، مسلم لیگ (ن) کے 3 اور ایک آزاد رکن نے حلف اٹھا لیا جو ووٹنگ میں حصہ لیں گے۔

خیال رہے کہ پنجاب اسمبلی میں مہمانوں کا داخلہ بند کردیا گیا، میڈیا پریس گیلری سے کوریج کرے گا اور موبائل فون لے جانے کی اجازت بھی نہیں ہو گی۔