خیبرپختونخوا فوڈ سیفٹی اتھارٹی نے پشاور میں موٹروے ٹول پلازے کے قریب ناکہ بندی کے دوران گاڑی سے 800 کلو سے زائد مضر صحت کلیجی برآمد کر لی ہے۔

خیبرپختونخوا فوڈ سیفٹی اتھارٹی نے پشاور اور مردان میں کارروائیاں کیں جس کے نتیجے میں پشاور میں گاڑی سے 800 کلو سے زائد مضر صحت کلیجی اور چکن گوشت برآمد کرلیا گیا۔

فوڈ سیفٹی اتھارٹی کے مطابق مضر صحت گوشت ضبط کرکے مالکان پر جرمانے عائد کردیئے گئے ہیں۔

دوسری جانب مردان میں قصائی دکان سے مضر صحت گوشت برآمد کیا گیا اور دکان سیل کر کے مالکان پر جرمانہ بھی عائد کردیا گیا۔

فوڈ سیفٹی اتھارٹی کا کہنا ہے کہ مضر صحت گوشت پر ملوث افراد کے خلاف مقدمہ درج کر لیا گیا ہے۔

اس کے علاوہ مردان میں دودھ میں پانی کی ملاوٹ پر دو ڈیری شاپس بھی سیل کردی گئی ہیں۔

فوڈ سیفٹی اتھارٹی نے مزید بتایا کہ شیر گڑھ مردان میں بدتر صفائی پر غیر معیاری جوس تیار کرنے والے دو یونٹس کو بھی سیل کردیا گیا ہے۔