وزیراعلیٰ بلوچستان میر عبدالقدوس بزنجو نے ضلع لسبیلہ میں سیلابی صورتحال کا نوٹس لے لیا۔

تفصیلات کے مطابق وزیراعلیٰ بلوچستان میر عبدالقدوس بزنجو نے ضلع لسبیلہ کے علاقے اوڑکی میں سیلابی صورتحال کا نوٹس لے لیا۔

  وزیراعلیٰ نے سیلابی پانی میں پھنسے لوگوں کو ریسکیو کرنے کے لیے فضائی آپریشن کی ہدایت دی۔

میر عبدالقدوس بزنجو نے کہا کہ فضائی آپریشن کے آغاز تک متاثرہ افراد کو کشتیوں کے ذریعے خوراک اور پانی پہنچانے کے خصوصی اقدامات کیے جائیں۔

 دوسری جانب ایوی ایشن ذرائع کا کہنا ہے کہ موسم کی خرابی کے باعث آج فضائی آپریشن کا آغاز ممکن نہیں، کل تک موسم کی بہتری ممکن ہے، موسم بہتر ہوتے ہی فضائی آپریشن کا آغاز کر دیا جائے گا۔