وزیرِبلدیات سندھ سید ناصر حسین شاہ نے کہا ہے کہ عمران خان فارن فنڈنگ کیس سے متعلق الیکشن کمیشن پردباؤ ڈالنا چاہتے ہیں۔

تفصیلات کے مطابق وزیرِبلدیات سندھ سید ناصر حسین شاہ نے پریس کانفرنس کرتے ہوئے کہا ہے کہ عمران خان الیکشن کمیشن کا شکریہ ادا کرنے کے بجائے جھوٹ بول رہے ہیں۔

انہوں نے کہا کہ عمران خان فارن فنڈنگ کیس سے متعلق الیکشن کمیشن پردباؤ ڈالنا چاہتے ہیں، یہ اپنی نااہلی چھپانے کیلئے اس طرح کے الزامات لگا رہے ہیں، سندھ میں بھی صاف شفاف الیکشن ہوئے۔

 ناصر حسین شاہ نے کہا ہے کہ بلدیاتی انتخابات کے دوسرے مرحلے میں پی ٹی آئی کو بری شکست ہوگی، شادمان نالہ کا واقعہ انتہائی افسوسناک ہے، وزیراعلیٰ سندھ نے واقعے کی تحقیقات کا حکم دیا ہے۔