وزیراعلیٰ محمود خان کا کہنا ہے کہ امپورٹڈ حکومت کا اب آگے کوئی چانس نہیں۔

وزیراعلیٰ خیبر پختونخوا محمود خان نے افتتاحی تقریب سے خطاب کرتے ہوئے کہا کہ یونیورسٹیوں کو معاشی لحاظ سے خودمختاری کی طرف جانا ہوگا۔

انہوں نے کہا کہ ہم سیاسی لوگ ہیں، کے پی میں بہت کام کر رہے ہیں، ہم ایجوکیشن کارڈ جاری کرنے جا رہے ہیں۔

محمود خان نے کہا کہ کامران بنگش تحریک انصاف کا فیس ہے، اگلا الیکشن ہوگا تو عمران خان کی حکومت ہوگی، یہ جو امپورٹڈ حکومت ہے اس کا آگے کوئی چانس نہیں۔

وزیراعلیٰ خیبر پختونخوا نے کہا کہ میں نے اللہ کو جواب دہ ہوں، عمران خان کو اب بھی اپنا وزیراعظم مانتا ہوں، عمران خان پھر سے لنگر خانے شروع کرنے کی ہدایت کی ہے۔

انہوں نے کہا کہ قبائلی اضلاع میں ایل آر ایچ اور کے ٹی ایچ کے معیار کے اسپتال بنانا چاہتے ہیں، کوشش ہے کہ دور دراز علاقوں سے مریضوں کو پشاور ریفر کرنے کی ضرورت نہ پڑے۔

محمود خان نے مزید کہا کہ حلفیہ کہتا ہوں کہ نرسوں کی بھرتی میں میری کوئی سفارش نہیں تھی، عنقریب الیکشن ہوں گے، پنجاب میں امپورٹڈ حکومت ختم ہوگئی ہے۔