بھارتی کرکٹر کے ایل راہول کس بالی ووڈ ہیروئن سے شادی کرنے والے ہیں؟ نام سامنے آگیا۔

کرکٹر کے ایل راہول اور بالی ووڈ کے سینئیر اداکار شنیل شیٹی کی بیٹی و اداکارہ اتھیا شیٹی رواں سال شادی کے بندھن میں بندھ جائیں گے۔

اسی حوالے سے اتھیا شیٹی نے انسٹاگرام اسٹوری پوسٹ کی اور خبروں پر اظہارِ خیال کیا۔

اداکارہ نے مضحکہ خیز انداز میں لکھا ‘امید ہے کہ مجھے بھی اس شادی میں مدعو کیا جائے گا جو آئندہ 3 ماہ میں ہونے والی ہے’۔

بھارتی میڈیا رپورٹس کے مطابق دونوں خاندانوں نے شادی کی تیاریاں شروع کردی ہیں اور رواں سال سردیوں میں دونوں کی شادی ہوگی۔

شادی کی تاریخ اور مقام فی الحال طے نہیں پایا ہے جبکہ یہ شادی جنوبی ہندوستان کی کلچر کے مطابق ہوگی۔