صوبائی وزیر شرجیل میمن نے کہا ہے کہ عمران خان کوایک بار پھر پنجاب میں بدترین شکست ہوئی ہے اور ان کا جھوٹ بھی  سامنے آگیا ہے کہ ان کی سیاست ضھوٹ پر مبنی ہے۔

صوبائی وزیر اطلاعات سندھ شرجیل میمن نے پریس کانفرنس کرتے ہوئے کہا کہ عمران خان کس منہ سے لوگوں کو اخلاقیات کا درس دے رہے ہیں جبکہ انہوں نے پھر وہی دھمکیاں دینی اور ٹوئٹر پر ٹرینڈ چلانا شروع کردیا ہے۔

انہوں نے کہا کہ اب وہ شخص اخلاقیات سکھائے گا جس کا کوئی اخلاق اور کردار نہیں ہے ۔

ان کا کہنا تھا کہ ابھی سینیٹ کا الیکشن ہوا تھا، یوسف گیلانی عددی حساب سے زیادہ تھے لیکن عمران خان کو اس وقت اخلاقیات نظر نہیں آئی ،  تب تم نے پیپلز پارٹی کے حق پہ ڈاکہ ڈالا آج تمہارے ساتھ وہی مقافات عمل ہو رہا ہے۔

انہوں نے مزید کہا کہ عمران خان اور ان کے چمچے اپنے پروپیگنڈے پر معافی مانگیں، پیسوں پر بکنے والی پی ٹی آئی خود ہے۔