سابق وزیر اعلیٰ پنجاب عثمان بزدار نے کہا ہے کہ عوام نے عمران خان کو ووٹ دے کر مخالفین کی تمام چالیں ناکام بنا دیں۔

تفصیلات کے مطابق سابق وزیر اعلیٰ پنجاب عثمان بزدار نے ٹوئٹر پر جاری ایک پیغام میں کہا ہے کہ اللّٰہ کے فضل و کرم سے پنجاب کے غیور عوام نے عمران خان کے بیانیے کو ووٹ دے کر مخالفین کی تمام چالیں ناکام بنا دیں۔

وَمَكَـرُوْا وَمَكَـرَ اللّـٰهُ ۖ وَاللّـٰهُ خَيْـرُ الْمَاكِرِيْنَ

الله کے فضل و کرم سے پنجاب کے غیور عوام نے عمران خان کے بیانیے کو ووٹ دے کر مخالفین کی تمام چالیں ناکام بنا دیں۔

Advertisement

انشاءالله بہت جلد ایک مرتبہ پھر وزیراعظم عمران خان!

— Usman Buzdar (@UsmanAKBuzdar) July 18, 2022

 واضح رہے کہ پنجاب کے 20 حلقوں میں ہونے والے ضمنی انتخابات کے غیر حتمی اور غیر سرکاری نتائج کے مطابق پاکستان تحریک انصاف نے 15 نشستیں اپنے نام کرلیں جب کہ مسلم لیگ (ن) کو صرف 3 سیٹوں پر کامیابی ملی اور ایک سیٹ آزاد امیدوار کے حصے میں آئی۔

پنجاب میں پی ٹی آئی اتحاد کو سادی اکثریت حاصل ہوگئی اور یوں پنجاب کے وزارت اعلیٰ کی سیٹ اب تحریک انصاف کے امیدوار کی ہی ہوگی، پی ٹی آئی اتحاد نے 186 نشستیں حاصل کرلیں، پنجاب میں پی ٹی آئی کی 176 اور مسلم لیک (ق) کی 10 نشستیں ہیں۔

پولنگ صبح آٹھ بجے شروع ہوئی جو بغیر کسی وقفے کے پانچ بجے تک جاری رہی، اس موقع پر سیکیورٹی کے سخت انتظامات کیے گئے تھے،  صوبے کے 14 اضلاع کے ضمنی انتخابات میں 175 امیدوار آمنے سامنے ہیں۔