ایدھی ایمبولینس سروس کا ڈرائیور ساتھیوں کی مدد سے ایدھی فاونڈیشن کا کیش لوٹتا تھا۔

تفصیلات کے مطابق پولیس نے ایدھی فاونڈیشن کا کیش لونٹے والے ملزم عرفان کو گرفتار کرلیا ہے، ملزم ایدھی فاونڈیشن میں بطورِ ڈرائیور کام کرتا تھا، ملزم کولیکشن سینٹرز کی رقم کو واپسی پر ساتھیوں کی مدد سے چھین کر فرار ہو گیا تھا۔

ایس پی ماڈل ٹاؤن وقار کھرل کا کہنا ہے کہ ایس ایچ او لیاقت آباد نے ٹیم کے ہمراہ انٹلیجنس بیسڈ کارروائی کرتے ہوئے ملزم عرفان کو گرفتار کر لیا، ملزم کے قبضہ سے چھینی گئے 43 لاکھ روپے برآمد ہوئے، ملزم کے خلاف مقدمہ درج کرلیا گیا ہے۔

 ان کا مزید کہنا تھا کہ ملزم کے دیگر دو ساتھیوں کی گرفتاری کے لیے ٹیمیں تشکیل دے دی گئیں، جلد گرفت میں ہوں گے۔