پاکستان شوبزانڈ سٹری کی نامور سینئیر اداکارہ شگفتہ اعجاز سوشل میڈیا پر کافی متحرک ہیں  اور مختلف موضوعات پر کھل کر اظہار خیال کرتی بھی نظر آتی ہیں۔

انہوں نے گز شتہ روز فوٹو اینڈ ویڈیو شیئرنگ ایپلی کیشن انسٹا گرام پر ایک ویڈیو پوسٹ کی  ، جس کے کیپشن میں انہوں نے لکھا کہ ”ہم اپنے حق کیلیے لڑنا جانتے ہیں“۔

 شگفتہ اعجاز کا اپنی ویڈیو میں کہنا ہے کہ آج جو کچھ ہمارے ساتھ ہو رہا ہے، جو بھی ہمیں برداشت کرنے پر مجبور کیا جا رہا ہے یا دبایا جا رہا ہے، اس کو ہماری آنے والی نسلوں کو بھگتنا پڑے گا۔

سینئر اداکارہ نے کہا کہ آج اگر ہم خاموش رہیں گے تو ہماری اولادوں کو بھی خاموش رکھا جائے گا، یہ جو نسل در نسل چلتا آیا سلسلہ ہم پر مسلط ہے اسے ٹھیک کرنے کے لیے ہم سب کو ایک ہونا پڑے گا۔

شگفتہ اعجاز نے کہا کہ بہتری کے لیے ہم سب کو ساتھ ہونا پڑے گا تب ہی کوئی تبدیلی ممکن ہے۔ انہوں نے قوم سے درخواست کی کہ برائے کرام اپنی اولادوں کے لیے باہر نکلیں تاکہ ان کا آنے والا کل ہم سے بہتر ہو۔