جوبھی غذا آپ کھاتے ہیں اس کا مقصد آپ کو توانائی دینے کے ساتھ صحت مند رکھنا ہے لیکن اگر یہ غذا ن مقاصد کے حصول کے بجائے بیماری کا سبب بنے لگے تویہ بات یقیناً آپ کو پریشان کرنے کے لئے کافی ہے۔

لوگوں کی اکثریت واقعی اس بات کا ادراک نہیں رکھتی کہ وہ جو سبزیاں اور پھل کھارہے ہیں وہ کتنے زہریلے ہیں اس کی بنیادی حشرات سے بچانے والے اسپرے ہیں جو انہیں زہریلا بنا رہے ہیں اس کے برعکس قدرتی کھاد سے پیدا ہونے والے پھل اور سبزیاں اور اس طرح کے اثرات سے محفوظ رہتے ہیں۔

یہاں پھلوں اور سبزیوں کو کیڑے مار ادویات کے اثرات سے پاک کرنے کے لئے ان طریقہ کار کو اختیار کریں۔

پھلوں اور سبزیوں کو دھوتے وقت کن باتوں کو مدنظر رکھنا ضروری ہے تاکہ ان پر موجود کیڑے مار ادویات کے اثرات سے پاک کیا جاسکے۔

جبکہ پھلوں اور سبزیوں کو کیڑے مار ادویات کے اثرات سے پاک کرنے کے لئے یہ طریقہ کار اختیار کریں۔

ٹھنڈے پانی سے دھوئیں

پھلوں اور سبزیوں کونلکے کے نیچے کسی برش کے ذریعے اچھی طرح رگڑ کر دھوئیں اس طرح ان کیمیکلز کے اثرات کو کسی حد تک کم کیا جاسکتا ہے۔ اس ضمن میں سینٹرفار سائنس اینڈ انوائرمنٹ کا کہنا ہے یہ طریقہ کار ستر سے اسی فیصد کیمیکلز کا خاتمہ کر دیتا ہے اس طرح پھل اور سبزیاں کھانے کے قابل ہوجاتے ہیں۔

سرکہ کا استعمال

یہ ایک اور بے حد مفید طریقہ ہے جو اس ضمن میں کار آمد ثابت ہوتا ہے اس مقصد کے لئے ایک برتن میں ٹھنڈا پانی لے کر اس میں ایک کھانے کا چمچ سیب کا یا کوئی بھی سرکہ شامل کریں اب  پھلوں اور سبزیوں کو اس میں بیس منٹ تک رہنے دیں پھر اسے ٹھنڈے پانی سے اچھی طرح دھولیں اس طرح ان کی پر موجود کیمیکلز صاف ہوجائے گا۔

نمک ملا پانی

اگر آپ کے پاس سرکہ موجود نہ ہوتو آپ یہ کام نمک سے بھی لے سکتے ہیں اس کے لئے چار کپ پانی میں دو کھانے کے چمچ نمک شامل کر کے اچھی طرح حل کریں اب اس میں پھلوں اور سبزیوں کو بیس سے تیس منٹ تک رہنے دیں پھر اسے صاف پانی دھولیں یہ طریقہ بھی پھلوں اور سبزیوں کو کھانے کے قابل بنا دے گا۔