سابق وزیر داخلہ شیخ رشید نے کہا ہے کہ الیکشن 2022 میں ہی ہوں گے۔

تفصیلات کے مطابق سابق وزیر داخلہ شیخ رشید نے اپنے بیان میں کہا ہے کہ ملک الیکشن کی طرف جا رہا ہے، معاشی استحکام کیلئے سیاسی استحکام ضروری ہے۔

انہوں نے کہا کہ ادارے خوش آئیند باتیں نہیں کر رہے، دعا ہے پنجاب اسمبلی میں ہنگامہ آرائی نہ ہو، ملک بہت بڑے بحران کی طرف جا رہا ہے۔

دوسری جانب سابق وزیر خارجہ شاہ محمود قریشی نے پریس کانفرنس کرتے ہوئے کہا کہ پنجاب میں پی پی ن لیگ کی ذیلی تنظیم کی حیثیت اختیار کرگئی ہے۔

انہوں نے کہا کہ سیاسی عدم استحکام سے معیشت مستحکم نہیں ہوگی، پرویزالہیٰ کے ساتھ طویل عرصے سے انڈراسٹینڈنگ ہے، چوہدری پرویزالہیٰ نے آزمائش میں ہمارا ساتھ  دیا۔

شاہ محمود قریشی نے کہا کہ شہبازشریف35سال بعد تیمارداری کے بہانے انکے گھر گئے، آصف زرداری بھی گئے لیکن پرویزالہیٰ نے ملنے سے انکار کر دیا، پی ٹی آئی نے خریدوفروخت کی سیاست کی نفی کی۔

سابق وزیر خارجہ نے کہا کہ کچھ جماعتیں عوامی مینڈیٹ کا احترام نہ کرنے پر بضد ہیں، بعض جماعتیں پیسوں سے اقلیت کو اکثریت میں تبدیل کرنا چاہتی ہیں، عدالتوں سے ہارس ٹریڈنگ کا نوٹس لینے کی درخواست کی ہے۔

انہوں نے کہا کہ ہارس ٹریڈنگ پر پی ٹی آئی نے پارٹی کے اندر کارروائی کی، ہارس ٹریڈنگ کے خلاف ہم سپریم کورٹ بھی گئے، بولیاں لگنا سیاستدانوں کیلئے باعث شرمندگی ہے۔

شاہ محمود قریشی نے کہا کہ بولیاں لگنے سے سیاستدانوں کی ساکھ خراب ہوتی ہے، پی ٹی آئی نے کوشش کی بولیاں نہ لگائی جائیں، انتخابی عمل میں ہم مکمل تعاون کریں گے۔

سابق وزیر خارجہ نے کہا کہ ہمارے پاس186ارکان کی تعداد پوری ہے، ہم مطمئن ہیں لوگ ہمارے ساتھ ہیں، امید ہے ن لیگ کے ارکان جمہوری انداز میں اس عمل کو مکمل کرینگے۔

انہوں نے کہا کہ امید ہے آج کا مرحلہ خوش اسلوبی سے پایہ تکمیل تک پہنچے گا، ہم جمہوری انداز میں آگے بڑھ رہے ہیں۔