صوبائی دارالحکومت لاہور میں مکان کی چھت گرنے سے ایک کمسن بچے سمیت  2 افراد زخمی ہوگئے ہیں۔

تفصیلات کے مطابق یہ افسوسناک واقعہ لاہور میں  سلامت پورہ کے علاقے میں ٹی آر گارڈر میں پیش آیا، جہاں  بارش کے باعث چھت گرنے سے ایک کمسن بچے سمیت  دو افراد زخمی ہوگئے ہیں۔

ریسکیو حکام کا کہنا ہے کہ بچے کی والدہ ملبے میں زخمی حالت میں پھنسی ہیں  جبکہ بچے کی ٹانگ فریکچر ہے۔

ریسکیو حکام نے بتایا کہ ملبے میں مزید  دو افراد پھنسے ہیں جن کو نکالنے کی کوشش جاری ہے۔

واضح رہے کہ کچھ ماہ قبل ہی کراچی کے علاقے مچھر کالونی سراجی چوک بابری مسجد کے قریب بھی مکان کی چھت گرنے سے 03 خواتین جاں بحق جبکہ 2 خاتون زخمی ہوگئی تھیں۔