حکومت کی جانب سے پی ٹی آئی رہنما شہریار آفریدی کو پارلیمانی کشمیر کمیٹی کی سربراہی کے عہدے سے ہٹانے کا فیصلہ کرلیا گیا ہے۔

 رپورٹ کے مطابق شہر یار افریدی کے خلاف عدم اعتماد کی تحریک پر ووٹنگ آج ہوگی جبکہ نئے چیئرمین کا الیکشن بھی آج ہی پارلیمنٹ ہاؤس میں ہوگا۔

اس حوالے سے ذرائع کا کہنا ہے کہ نئے چیئرمین پارلیمانی کشمیر کمیٹی کے لیے چوہدری برجیس طاہر اور نوابزادہ افتخار امیدوار ہونگے جبکہ تحریک انصاف کے منحرف رکن باسط بخاری نے بھی کشمیر کمیٹی کی سربراہی مانگ رکھی ہے۔

باسط بخاری نے اپنی کامیابی کےلیے اراکین میں لابنگ شروع کردی ہے۔