وفاقی وزیر داخلہ رانا ثناء اللہ نے کہا ہے کہ عمران خان عوام کو گمراہ کررہا ہے اور پوری قوم کو تقسیم کرنا چاہتا ہے۔

میڈیا سے گفتگو کرتے ہوئے وزیر داخلہ رانا ثناء اللہ نے کہا ہے کہ عمران خان سے لیکرنیچے تک دہائی دی گئی کہ کروڑوں کی آفر ہورہی ہے اور کہا گیا حکومت دھاندلی کررہی ہے۔

انہوں نے کہا کہ پی ٹی آئی کے ووٹ 188 تھے جبکہ حمزہ شہباز کے ووٹ 179 تھے لیکن پھر بھی وہ اکثریت میں آئے، اور کامیاب ہوئے کیونکہ وزیراعلیٰ پنجاب کا انتخابی عمل سپریم کورٹ کے حکم کے مطابق ہوا، پی ٹی آئی نے جس فیصلے پر خوشیاں منائیں وہی ان کے آڑے آئی ہے۔

وزیر داخلہ نے کہا کہ پی ٹی آئی کا ٹولہ جھوٹا پروپیگنڈا کرنے میں مہارت رکھتا ہے، پی ٹی آئی کی کسی بات پریقین نہیں کرنا چاہیے۔

انہوں نے مزید کہا کہ عمران خان نےالیکشن جیت کربھی الیکشن کمیشن پر الزامات لگائے ہیں، الیکشن کمیشن کو فارن فنڈنگ کیس کا فیصلہ فوری طور پردینا چاہیے، انصاف ہونا چاہیے اورہوتا ہوا نظربھی آنا چاہیے۔

رانا ثناء اللہ نے کہا کہ ہم چاہتے ہیں عدالتوں کا احترام ہو کیونکہ عدالت کا احترام معاشرے کے امن کے لیے ضروری ہے لیکن عمران خان کے غنڈوں نے سپریم کورٹ کی دیواریں پھلانگیں اور انکےخ لاف متعلقہ تھانے کو کوئی شکایت نہیں دی گئی جبکہ تو یہ چاہیئے تھا کہ رجسٹری کے ذمہ دار انکے کیخلاف تھانے میں درخواست دیتے۔

اس موقع پر انہوں نے چیف جسٹس سے اپیل کرتے ہوئے کہا کہ ہمارے لیے بھی جوڈیشل روایات کے مطابق فیصلے کریں۔