چینی موبائل سازکمپنی ویوو5 ہزارایم اے ایچ کی طاقت وربیٹری کے ساتھ آئندہ ماہ کم قیمت فون لانچ کرنے کی تیاری کر رہی ہے۔

ٹیلی کام انڈسٹری کی خبریں لیک کرنے والے ٹپِسٹرپارس گگلانی نے اپنی انسٹا گرام پوسٹ میں ویوو کے اس نئے ماڈلز کی تفصیلات شیئرکردی ہیں۔

یہ بھی پڑھیں: موٹرولا کا بہترین فیچرسے لیس کم قیمت فون لانچ کرنے کا اعلان

 لیکس کے مطابق یہ چینی موبائل کمپنی آئندہ ماہ اس نئی سیریزکومتعارف کروانے جا رہی ہے، جنہیں کمپنی کی شراکت دارای کامرس ویب سائٹس کے ذریعے فروخت کیا جائے گا۔

اس سیریزکا سب سے اہم فون ویوو وائے 02 ایس ہے جسے وی 2203  کے ماڈل نمبر کے ساتھ پیش کیا جائے گا۔ امریکا کے فیڈرل کمیونیکیشنز کمیشن ( ایف سی سی) اور گیگ بینک بینچ مارکنگ میں اس ماڈل کو وائے 02 ایس کے نام سے لسٹ کیا گیا ہے۔

گیگ بینچ لسٹنگ سے ظاہر ہوتا ہے کہ آپریٹنگ سسٹم اینڈروئیڈ 12 کے ساتھ اس میں اوکٹا کورپروسیسر کے ساتھ میڈیا ٹیک ہیلیوپی 35 ایس اوسی چپ سیٹ سیٹ کے ساتھ 3 جی بی ریم دی گئی ہے۔

ایف سی سی لسٹنگ کے مطابق ویوووائے 02 ایس میں مختلف نیٹ ورک آپریشنز دیے گئے ہیں ، جن میں  GPRS, EGPRS, WCDMA, LTE اور VoLTE  شامل ہیں۔

فون میں 2.4 گیگا ہرٹزے ساتھ 5 گیگا ہرٹز کا ڈیول بینڈ وائے فائے، بلیوٹوٹھ اور دو سم لگانے کی سہولت بھی دی گئی ہے۔

ویوو وائے 02 ایس کی ممکنہ اسپیسی فیکیشنز

ویوو وائے 02 ایس کو6.51 انچ کی ڈیوڈراپ نوچ اسکرین ایچ ڈی پلس ریزولیشن اور60 ہرٹزکے ریفریش ریٹ کے ساتھ پیش کیا جائے گا۔

اینڈروئیڈ کے کامیاب ترین ماڈل اینڈروئیڈ 12 پر چلنے والے اس ماڈل میں 3 جی بی ریم کے ساتھ 32 جی بی اسٹوریج دی جائے گی۔

ممکنہ طور پراس ماڈل میں عقبی حصے پر صرف ایک کیمرا دیا جائے گا جو کہ 8 میگا پکسلز کا ہوگا، جب کہ فرنٹ پر 5 میگا پکسلز کا سیلفی کیمرا ہوگا۔

ویوووائے 02 ایس یوایس بی ٹائپ سی پورٹ کے ساتھ 5 ہزار میگا ہرٹزبیٹری سے لیس ہے جو 10 واٹ چارجنگ کے ساتھ 5 واٹ کی ریورس چارجنگ کو بھی سپورٹ کر سکے گا۔

لیکس کے مطابق ویوووائے 02 ایس کے 3 جی بی ریم اور32 جی بی اسٹوریج والے ویریئنٹ کودوخوب صورت سیاہ اورآسمانی رنگ میں 113 ڈالر(26 ہزار 600 روپے پاکستانی) کی قیمت پرفروخت کے لیے پیش کیا جائے گا۔