پاکستان تحریک انصاف کے رہنما فواد چوہدری نے کہا ہے کہ ہمارا ملک جو ترقی کر رہا تھا آج اس کی معیشت تباہ ہو چکی ہے۔

 سپریم کورٹ رجسٹری میں میڈیا ٹاک کرتے ہوئے پاکستان تحریک انصاف کے رہنما فواد چوہدری نے کہا کہ اب سے کچھ دیر کے بعد سماعت شروع ہونے والی ہے، ہمارا ملک جو ترقی کر رہا تھا آج اس کی معیشت تباہ ہو چکی ہے۔

فواد چوہدری کا کہنا تھا کہ کل جو پنجاب اسمبلی میں ہوا اس بات سے آپ سیاسی بحران کا اندازا کر سکتے ہیں، کل پنجاب اسمبلی میں ڈپٹی اسپیکر نے آئین کو ملیا میٹ کر دیا۔

انہوں نے کہا کہ شجاعت صاحب سے جا کر کاغذ پر انگوٹھا لگوایا گیا، یہ عوام کی منتخب حکومت نہیں ہے۔

فواد چوہدری کا مزید کہنا تھا کہ زرداری سیاست کرنی ہے تو الیکشن نہیں اوکشن کروا لیں۔