بچہ ہو یا بوڑھا کیک سب کو ہی پسند ہوتے ہیں، لیکن حیرت کی بات یہ ہے کہ اب ستاروں کے حساب سے بھی شخصیات کے مطابق کیک دستیاب ہیں۔

تو آج ہم آپ کو بتائیں گے کہ آپ کے برج کے مطابق کونسا کپ کیک بنا ہے۔

کریم پنیر کپ کیک، جدی/کیپری کون (22 دسمبر سے 19 جنوری)

جدی افراد مزاج کے اعتبار سے حاکمیت پسند ہوتے ہیں، ذہن کے پکے اور مضبوط قوت ارادی کے مالک اور زندگی کی دوڑ میں دوسروں سے آگے نکلنے کے خواہشمند ہوتے ہیں اور مسلسل محنت سے ان کی یہ خواہش پوری ہوجاتی ہے۔

ایسے لوگوں کی شخصیت کی مناسبت سے کریم پنیر کپ کیک زیادہ بہتر ہے۔

گاجر کپ کیک، دلو/اکیورس (20 جنوری – 18 فروری)

برج دلو افراد بے ساختہ اور ملنسار ہوتے ہیں اور اپنے دوستانہ رویئے کی وجہ سے ماحول کو بھی میٹھا بناسکتے ہیں۔

ایسے لوگوں کیلئے میٹھی گاجروں کے ذائقے سے بھرا گاجر کپ بہتر ہوسکتا ہے۔

ونیلا کپ کیک، حوت/اسکارپیو( 19 فروری – 20 مارچ)

برج حوت افراد بڑے ہی نرم مزاج اور رحم دل ہوتے ہیں، یہ جوش و خروش سے بھرے ہوئے لوگ ہیں اور ان کا رویہ دوسرے کے لئے مددگار ہی ثابت ہوتا ہے۔

ایسے لوگوں کو اپنے جذبات کو قابو میں رکھنے کا فن بخوبی آتا ہے اور ان کے لیے ونیلا کپ کیک مناسب ہے۔

لیمن کپ کیک، حمل/ایریز (21 مارچ – 19 اپریل)

برج حمل افراد روشن، مضبوط، پر امید اور بہت زیادہ خود اعتمادی کے مالک ہوتے ہیں اور اپنی زندگی کے تمام پہلوؤں میں بہت زیادہ خود مختار اور انتہائی فعال رہتے ہیں۔

ایسے لوگوں کے لیے لیموں کی خوشبو اور ذائقے سے بھرا کپ کیک تجویز کیا جاتا ہے۔

پستا کپ کیک، ثور (20 اپریل – 20 مئی)

مطالعات اور مختلف فیشن میگزینز کی رپورٹس کے مطابق سب سے خوبصورت لوگوں میں سے زیادہ تر ثور کے نشان کے تحت پیدا ہوتے ہیں اور دوسروں سے زیادہ وہ شہرت پسند کرتے ہیں۔

ثور افرادا کثر کسی خیال یا مقصد کے لئے زندگی وقف کردیتے ہیں۔

ہنی لیوینڈر کپ کیک، جوزا/جمنائی(21 مئی – 20 جون)

جوزا افراد بڑے مہم جو اور دانشور قسم کے ہوتے ہیں، مضبوط اور پرعزم دکھائی دیتے ہیں۔

ان کی ذہانت اور چالاکی انہیں جسمانی طاقت کا استعمال کیے بغیر آسانی سے حکومت کرنے اور کنٹرول کرنے کی اجازت دیتی ہے۔

 یہ اکثر حساس طبعیت کے ہوتے ہیں اور ایسے لوگوں کے لیے شہد سے بھرا ہنی لیوینڈر کپ زیادہ اچھا ہوسکتا ہے۔

چاکلیٹ اور پودینے کا کپ کیک، کینسر/سرطان (21 جون – 22 جولائی)

برج سرطان کے حامل افراد، حساس اور ٹوٹ کر محبت کرنے والے ہوتے ہیں، ایسے ٹھنڈے مزاج کے لوگوں کے لیے چاکلیٹ اور پودینے کے امتزاج سے بننے والا کپ کیک ان کی شخصیت سے بہت زیادہ قریب ہے۔

کوکا کولا کپ کیک، لیو/اسد (23 جولائی – 22 اگست)

لیو افراد روشن خیال، پرعزم، پُرجوش ، فیاض اور زندہ دل لوگ ہوتے ہیں، ان کے پاس زندگی کا حقیقی جذبہ ہے اور ایسے باہمت اور پرجوش لوگوں کے لیے کوکا کولا کپ کیک تجویز کیا جاتا ہے۔

ریڈ ویلوٹ اسٹرابیری کپ کیک، سنبلہ/ ورگو (23 اگست – 22 ستمبر)

سنبلہ یا ورگو لوگ زندگی سے اونچی توقعات رکھنے والے جذباتی مگر حقیقت پسند ہوتے ہیں۔

عاجزی اور خدمت کا پیکر پس پردہ رہ کر کام کرنے والے اکثر زندگی میں مثبت انداز سے کامیابی حاصل کرلیتے ہیں، ان سے قریب رہنے والے افراد ہی ان کو اچھی طرح جان سکتے ہیں اور ان کی قدر کرتے ہیں۔

ورگوز کے لیے ریڈ ویلوٹ اسٹرابیری کپ کیک سب سے بہترین انتخاب ہوسکتا ہے۔

رینبو کپ کیک، لبرا/میزان (23 ستمبر – 22 اکتوبر)

لبرا کے حامل افراد خوش اسلوب ہوتے ہیں اور دوسرے لوگوں سے معاملات میں نہایت محتاط ہوتے ہیں۔

میزان لوگوں کا نرم اور دھیما مزاج اچھے تعلقات قائم کرنے کے لیے مددگار ثابت ہوتا ہے، یہی وجہ ہے کہ ان کے تعلقات لمبے عرصے تک قائم رہتے ہیں یا کبھی خراب نہیں ہوتے اور تعلقات کو خوبصورتی سے سجانے والوں کے لیے رینبو کپ کیک اچھا جوڑ ہے۔

چلی کپ کیک، عقرب/اسکارپیو (اکتوبر 23 – نومبر 21)

عقربی افراد مضبوط شخصیت کے مالک ہوتے ہیں، وہ ہمیشہ اپنا راستہ حاصل کرنے کی کوشش کرتے ہیں اور اگر وہ ایسا نہیں کرتے ہیں تو آپ کو سزا دیں گے۔

 دوسری طرف وہ بہت دلکش اور رومانوی ہوتے ہیں، وہ واقعی چاہتے ہیں کہ کوئی آدمی ان پر غلبہ حاصل کرے لیکن عام طور پر یہ نہیں کہہ سکتے۔

ایسے لوگوں کے لیے چلی کپ کیک زیادہ مناسب ہے۔

بیکن کپ کیک، قوس/سیجی ٹیریس (22 نومبر – 21 دسمبر)

برج قوس افراد جمہوریت پسند ہوتے ہیں، سماجی معاملات کے بارے میں بہت حساس ہوتے ہیں اور دنیاوی آسائشوں کے دلدادہ ہوتے ہیں۔

 یہ آزادی اور انفرادیت کے لیے کوشاں رہتے ہیں، ایسے لوگوں کے لیے بیکن کپ کیک تجویز کیا جاسکتا ہے۔