پاکستان شوبز انڈسٹری کی صف اول کی سپر اسٹار ماہرہ خان کس نامور پاکستانی فلم ڈائریکٹر کیساتھ کام کرنے کی خواہشمند ہیں ، بالآخر انہوں نے اس بارے میں کھل کر بتا ہی دیا۔

سپراسٹار ماہرہ خان نے حال ہی میں اپنی فلم ’قائد اعظم زندہ باد‘ کی تشہیری مہم کے دوران دئیے گئے انٹرویو میں بتایاکہ اگر انہیں سید نور کے ساتھ کام کرنے کا موقع میسرآئیگا تو وہ یقینا کریں گی اور ان کے لئے یہ باعث فخر ہو گا کہ وہ سید نور کے ساتھ کام کریں۔

ماہرہ خان نے کہا کہ سید نور ہمارے ملک کے بہت بڑے ڈائریکٹر ہیں ان کے کریڈٹ پر بہت بڑی بڑی اور خوبصورت فلمیں ہیں ، میں نے ان کی بہت ساری فلمیں دیکھیں لیکن ان کی فلم مجاجن اور چوڑیاں مجھے آج تک یاد ہے کیا کمال کی انہوں‌ نے فلمیں‌ بنائیں تھیں۔

ماہرہ خان نے کہا کہ اگر سید نور کے پاس کوئی میرے لئے پراجیکٹ ہوا تو کیوں نہیں‌ کروں گی میں ؟ اگر پنجابی پراجیکٹ ہوا تو میں کر لوں گی لیکن میں جس طرح کی پنجابی بولتی ہوں اس پہ پہلے ہی معذرت کرلیتی ہوں۔

واضح رہے کہ ماہرہ خان اور فہد مصطفیٰ کی فلم ’قائد اعظم زندہ باد‘ اس عید پرریلیز کی جائے گی۔

فلم کا ٹریلر دیکھیں: