امیر جماعت اسلامی سراج الحق نے کہا ہے کہ اصلاحات کے بغیر انتخابات سے ملکی مسائل ختم نہیں ہوں گے۔

تفصیلات کے مطابق امیر جماعت اسلامی سراج الحق نے اپنے بیان میں کہا ہے کہ نرم و گرم مداخلت کے مطالبات کی بجائے سیاستدان آپس میں مکالمہ کریں، اصلاحات کے بغیر انتخابات سے ملکی مسائل ختم نہیں ہوں گے۔

انہوں نے کہا کہ ادارے متنازعہ بنا دیے گئے، عوام کا جمہوریت پر یقین اٹھ رہا ہے، مرکزی و صوبائی حکومتیں لوگوں کی مشکلات حل کرنے پر توجہ دیں، حکمرانوں کو اللہ کی عدالت میں بھی پیش ہونا ہے جہاں کوئی ووٹر یا سپورٹر نہیں ہو گا۔

  سراج الحق نے کہا ہے کہ ملک مہنگائی کی آگ میں جل رہا، بے روزگاری کا طوفان تھم نہیں رہا اور گھنٹوں لوڈشیڈنگ سے کاروبار زندگی تباہ ہو کر رہ گیا ہے، بارشوں اور سیلاب سے سیکڑوں افراد لقمہ اجل بن گئے، حکمران آپسی مفادات کی لڑائی میں مصروف ہیں۔