عدالت نے گورنرپنجاب کے آرڈیننس کوایکٹ میں تبدیل کرنے کے خلاف کیس میں وکلا کو بحث کے لیے طلب کر لیا۔ 

تفصیلات کے مطابق لاہورہائی کورٹ میں گورنرپنجاب کےآرڈیننس کوایکٹ میں تبدیل کرنے کےخلاف کیس کی سماعت ہوئی۔

عدالت نے سماعت جولائی کے تیسرے ہفتے تک ملتوی کرتے ہوئے وکلاء کو بحث کےلئے طلب کیا۔

ایڈووکیٹ جنرل پنجاب شہزاد شوکت عدالت میں پیش ہوئے۔

وکیل درخواست گزار نے مؤقف پیش کیا کہ معاملہ اہم نوعیت کا ہے کیس کو جلد منطقی انجام تک پہنچایا جائے۔

احمد اویس نے مؤقف بیان کیا کہ آئین اور قانون کی تشریح کرنا عدالتوں کا کام ہے جبکہ ایڈووکیٹ اظہرصدیق نے کہا کہ پنجاب ضمنی انتخابات میں دھاندلی کی تیاری کی جا رہی ہے۔

ضمانت خارج

دوسری جانب لاہورہائی کورٹ نے قتل کیس کے ملزم کی عبوری ضمانت خارج کردی۔

عبوری ضمانت خارج  ہونے پر ملزم نے فرار ہونے کی ناکام کوشش کی۔ ملزم عمیر کی ضمانت خارج ہونے پر بھاگنے لگا تو پولیس اہلکار نے گرفتار کر لیا۔

عدالت نے ملزم عمیر کی عبوری درخواست ضمانت پر سماعت کی۔ ملزم پر ڈولفن اہکار عثمان کو گولیاں مارکر قتل کرنے کا الزام تھا۔