اطالوی جوڑے نے چلتی گاڑی میں پھرتی کے ساتھ کم وقت میں ٹائر بدل کر نیا ریکارڈ قائم کیا ہے۔

غیر ملکی خبر رساں ادارے کے مطابق ڈرائیور مینوئل زولڈان اور ٹائر چینجر گیانلوکا فولکو نے اٹلی میں گنیز ورلڈ ریکارڈ شو کے سیٹ پر چلتی ہوئی گاڑی کا پہیہ صرف 1 منٹ اور 17 سیکنڈ میں تبدیل کرکے ریکارڈ قائم کیا۔

سوشل میڈیا پروائرل ہونے والی ویڈیو میں دیکھا جا سکتا ہے کہ مینوئل کار کو ریمپ پر چلا رہے ہیں، یہیں سے گیانلوکا فولکو اندر آیا اور گاڑی کے چلنے کے دوران کھڑکی سے باہر لٹک کر تیزی سے ٹائر تبدیل کیا۔

واضح رہے کہ ترجمان گنیز ورلڈ ریکارڈ کے مطابق اس اطالوی جوڑی نے 1 منٹ اور 30 سیکنڈ کے پچھلے ریکارڈ کو توڑا ہے۔