پاکستان تحریک انصاف (پی ٹی آئی) کی رہنما مسرت جمشید چیمہ کا کہنا ہے کہ وزیر داخلہ رانا ثناء اللہ احتساب کیلئے تیار رہیں۔

مسرت جمشید چیمہ نے انسداد دہشت گردی عدالت کے باہر کی میڈیا سے گفتگو کرتے ہوئے کہا کہ ہمیشہ حق اور سچ کی جیت ہوتی ہے، ہم عوام کے مقروض ہیں، 17 جولائی کو حقیقی آزادی کے لیے نکلے۔

انہوں نے کہا کہ رانا ثنا اللہ تمہارا راج ختم ہو چکا ہے، تمہاری غنڈا گردی ختم ہو چکی ہے تم احتساب کے لیے تیار رہو۔

مسرت جمشید چیمہ نے مزید کہا کہ انشاء اللہ ہم آگے اس پر بھی تفتیش کریں گے کہ ہم پر اتنی تعداد میں مقدمات کیوں بنائے گئے۔

اس سے قبل پاکستان تحریک انصاف (پی ٹی آئی) کی رہنما ڈاکٹر یاسمین راشد نے انسداد دہشتگردی عدالت کے باہرمیڈیا سے گفتگو کرتے ہوئے کہا تھا کہ سانحہ ماڈل ٹاؤن کے واقعے پر رانا ثناءاللہ کیخلاف مقدمہ ضرور درج کروائیں گے۔

ڈاکٹر یاسمین راشد نے کہا کہ ہمارے اوپر جھوٹے مقدمات درج کروائے، اس حکومت نے ماضی میں بھی یہی کیا اور اب بھی وہی کیا، ماضی میں سانحہ ماڈل ٹاؤن کا واقعہ ہوا، رانا ثناء اللہ کے خلاف مقدمہ ضرور درج کروائیں گے۔