خیبرپختونخوا فوڈ سیفٹی اتھارٹی کی جانب سے ملاوٹ مافیا کے خلاف کریک ڈاؤن کیا گیا ہے۔

تفصیلات کے مطابق ضلع ملاکنڈ سوات موٹروے کے  قریب ناکہ بندی کرتے ہوئے 500 لیٹر سے زائد ناقص دودھ تلف کردیا گیا ہے۔

 فوڈ سیفٹی اتھارٹی حکام کا کہنا ہے کہ دودھ کے نمونوں کو موبائل فوڈ ٹیسٹنگ لیبارٹری سے چیک کیا گیا، پانی کی ملاوٹ پر دودھ تلف کیا گیا۔

 فوڈ سیفٹی اتھارٹی حکام نے بتایا کہ پانی کی ملاوٹ پر ڈی آئی خان میں ڈیری شاپ سے 200 لیٹر سے زائد ناقص دودھ تلف کیا گیا جبکہ مردان میں بحی دودھ میں پانی کی ملاوٹ ثابت ہونے پر تین ڈیری شاپس سیل کردی گئی ہیں۔

 فوڈ سیفٹی اتھارٹی حکام کا کہنا تھا کہ ناقص صفائی پر ٹانک اور بونیر میں ایک ایک بیکری یونٹ سیل کردیا گیا جبکہ دیر لوئر میں عید سے قبل بیکری یونٹس معائنے، فوڈ سیفٹی ایس او پیز کی خلاف ورزی پر جرمانے عائد کیے گئے۔