سابق وزیراعظم عمران خان کی سابقہ اہلیہ اور ٹی وی اینکر وفلم پروڈیوسرریحام خان نے بالآخر اپنی تیسری شادی کا عندیہ دے دیا۔

حال ہی میں ریحام خان ایک نجی ٹی وی کے پروگرام میں شریک ہوئی ، جس کا کلپ سوشل میڈیا پر کافی وائرل ہو رہا ہے۔

اس شو کے دوران جہاں ریحام خان نے ملکی و سیاسی موضوعات پر بات کی وہی انہوں نے اپنی تیسری شادی کے امکانات پر بھی گفتگو کی۔

دوران پروگرام شادی کے حوالے سے میزبان کی جانب سے پوچھے گئے سوال کے جواب میں ریحام خان نے بتایا کہ ان کی ایک رشتے دار خاتون نجومی نے ان کا ہاتھ دیکھنے کے بعد انہیں بتایا کہ ’ان کے ہاتھ میں تیسری شادی کی لکیر ہے‘۔

ساتھ ہی انہوں نے اپنی تیسری شادی کے حوالے گھر میں ہونے والی بات چیت کا ذکر بھی کیا اور بتایا کہ ان کے بھائی نے ان کے ایک بھانجے کو یہ دھمکی دے کر شادی پر راضی کیا کہ اگر وہ شادی نہیں کریں گے تو ان کی خالہ یعنی ریحام خان تیسری شادی کرلیں گی۔

انہوں نے بتایا کہ ان کے بھائی مذہبی خیال کے ہیں اور انہوں نے ان کی تیسری شادی کی دھمکی دے کر بھانجے کو شادی پر راضی کیا۔

اسی دوران انہوں نے مسکراتے ہوئے کہا کہ اگر ان کی تیسری شادی ہوگئی تو ان کے تیسرے شوہر کو سرپرائز ملے گا۔