سابق وزیر قانون فروغ نسیم نے کہا ہے کہ الیکشن شیڈول دینا الیکشن کمیشن کا اختیار ہے۔

تفصیلات کے مطابق سابق وزیر قانون فروغ نسیم نے اپنے بیان میں کہا ہے کہ الیکشن شیڈول دینا الیکشن کمیشن کا اختیار ہے، اگر کوئی حلقہ بندی غلط ہے پہلے اسے درست کرائیں پھر الیکشن کرائیں۔

انہوں نے کہا کہ الیکشن کمیشن کے پاس کسی قانون کو کالعدم قرار دینے کا اختیار ہے، حلقہ بندی ساری ای سی پی کرے گی، یہ سپریم کورٹ کا فیصلہ ہے، عملدرآمد  کے بجائے سندھ حکومت نے ایک قانون جاری کر دیا۔

فروغ نسیم نے کہا ہے کہ کس یونین کونسل میں کتنے ووٹرز ہوں گے؟ ایک ہی ٹاون میں ایک حلقے میں 10 ہزار اور دوسرے میں 03 ہزار ووٹرز ہیں، سندھ حکومت بھی کہہ رہی ہے کہ بلدیاتی انتخاب کے بنیادی اسٹرکچر کی قانونی ریفارم چاہیے۔

سابق وزیر قانون نے کہا کہ اختیارات کی نچلی سطح تک منتقلی کے لیے سپریم کورٹ نے فیصلہ دیا، اختیارات کی نچلی سطح تک منتقلی کے لیے سندھ حکومت کے ساتھ  کام کر رہے ہیں۔