کشمیر پریمئیر لیگ کے دوسرے ایڈیشن میں پاکستان کے سینٹرل کنٹریکٹ میں شامل کھلاڑی شرکت نہیں کریں گے۔

تفصیلات کے مطابق پی سی بی نے سینٹرل کنٹریکٹڈ کرکٹرز کو اس بار بھی این او سی نہ دینے کا فیصلہ کیا۔

واضح رہے کہ سنٹرل کنٹریکٹڈ کرکٹرز کو پہلے ایڈیشن میں بھی این او سی جاری نہیں کی گئی تھی۔

پاکستان کرکٹ بورڈ کے ذرائع کے مطابق سنٹرل کنٹریکٹ سے محروم فہیم اشرف کو بھی این او سی نہیں ملے گی۔

پی سی بی کے ذرائع کے مطابق مستقبل میں بین الاقوامی سطح پر آئی سی سی کے فیوچر ٹوررز پروگرام میں بہت زیادہ کرکٹ کی وجہ سے کھلاڑیوں کو محفوظ رکھنے کے لئے این او سی جاری نہیں کی گئی ہے۔

کے پی ایل کے پہلے سیزن میں اسی وجہ سے متعدد سابق کھلاڑیوں کو مدعو کیا گیا تھا۔

کشمیر پریمئیر لیگ کے لئے یکم سے 25 اگست تک کی ونڈو رکھی گئی ہے۔

واضح رہے کہ کشمیر پریمئیر لیگ کے پہلے ایڈیشن میں 6 فرنچائزز کی ٹیموں نے حصہ لیا تھا۔

جن میں باغ اسٹالینز، کوٹلی پینتھرز، میرپور رائلز، مظفرآباد ٹائیگرز، اوورسیز وارئیرز اور راؤلہ کوٹ ہاکس شامل ہیں۔