کراچی سے لاہور جاکر پسند کی شادی کرنے والی دعا زہرا کی چھوٹی بہن کی ایک جذباتی ویڈیو تیزی سے سوشل میڈیا پروائرل ہو رہی ہے۔

عید الاضحٰی کے موقع پر سوشل میڈیا پر وائرل اس ویڈیو میں دیکھا جا سکتا ہے کہ دعا کی چھوٹی بہن اپنے والد مہدی علی کاظمی کے سوالوں کے جواب میں بڑی بہن کو ’واپس آجائیں‘ کا سسکیوں بھرا پیغام دی رہی ہے۔

دعا زہر ا کی بہن نے بڑی بہن کو واپس آنے کا کہتے ہوئے کہا کہ ’ہم دونوں بہنیں دعا کو یاد کرتے ہیں اور ہم نے اب تک عید نہیں منائی اور جب دعا واپس آجائیں گی تب ہی عید منائیں گی۔

ویڈیو دیکھیں:

واضح رہے کہ اس سے قبل دعا زہرا کے والد نے بھی بیٹی کے لیے عید الاضحیٰ کے موقع پر خصوصی ویڈیو پیغام جاری کیا تھا۔

یہ بھی پڑھیں: مجھے اپنے والدین سے نفرت ہو گئی ہے، دعا زہرہ کا نیا انٹرویو سامنے آگیا

ویڈیو میں مہدی کاظمی نے کہا کہ ‘بچیاں سب کی سانجھی ہوتی ہیں، اللہ تعالیٰ سے دعا کرتا ہوں کہ تمام ماں باپ کے ساتھ ان کی بچیوں کا ساتھ رہے، یہ دوسری عید ہے جب میری بیٹی دعا میرے پاس نہیں ہے، اللہ سے دعا ہے کہ یہ آخری عید ہو جب میری بیٹی میرے پاس نہیں ہے۔

 یہ بھی پڑھیں: دعا زہرہ اور ظہیر کا نکاح کیسے ہوا؟ویڈیو سامنے آگئی