رواں سال جون کے مہینے میں وفات پانے والے ٹی وی میزبان، مذہبی اسکالر اور سیاست دان مرحوم ڈاکٹرعامر لیاقت کی سابقہ اہلیہ ڈاکٹر بشریٰ اقبال نے اپنے سوشل میڈیا پیغام سے صارفین کو تشویش میں مبتلا کر دیا۔

سیدہ بشریٰ اقبال نے اپنے ٹوئٹ میں کہا کہ ’ایسا بھی کیا پیسے کا لالچ کہ کسی انسان کی جان، مال، عزت سب کھا جاؤ، وہ بھی جھوٹ اور الزامات کی بنیاد پر‘۔

اُنہوں نے کہا کہ ’دنیا کی عدالت میں انسان کتنے ہی جھوٹ بول لے لیکن اللّٰہ تعالیٰ کی عدالت میں زبان نہیں اعضاء بولیں گے‘۔

عامر لیاقت کی سابقہ اہلیہ نے مزید کہا کہ ’وہاں جب سی سی ٹی وی چلیں گے تو کوئی راہِ فرار نہیں ملے گی‘۔

اُنہوں نے اپنے ٹوئٹ کے ہیش ٹیگز میں یہ بھی لکھا ہے کہ ’اللّٰہ سے ڈرو، اللّٰہ سب جانتا ہے‘۔

بشریٰ اقبال نے اپنے ٹوئٹ میں کسی بھی فرد کا نام واضح نہیں کیا لیکن صارفین کی جانب سے دعویٰ کیا جا رہا ہے کہ اُنہوں نے یہ ٹوئٹ عامر لیاقت حسین کی تیسری اہلیہ دانیہ کے لیے پوسٹ کی ہے۔

گزشتہ روز بھی ڈاکٹر بشریٰ اقبال نے عامر لیاقت کی وفات کے حوالے سے ٹویٹ کی تھی ، جس میں انہوں نے  سب سے درخواست کی کہ وہ عامر لیاقت کے لیے دعا کریں کیونکہ آج ان کی وفات کو 40 دن ہو گئے ہیں۔

یہ بھی پڑھیں: عامر لیاقت کی قبر کشائی کے بعد پوسٹ مارٹم کا معاملہ، دانیا ملک کیس میں فریق بن گئیں

اس سے قبل روان ماہ مرحوم عامر لیاقت کی 51 ویں سالگرہ کے موقع پر بھی ان کی سابقہ اہلیہ  ڈاکٹر بشریٰ اقبال نے ایک یادگار ویڈیو شیئر کی تھی ۔

اس ویڈیو میں دیکھا جا سکتا ہے کہ عامر لیاقت اپنی بیٹی دعا عامرکا ٹی وی پروگرام میں انٹرویو کر رہے ہیں۔

ویڈیو دیکھیں:

مذکورہ ویڈیو کو ڈاکٹر بشریٰ اقبال نے یادگار لمحہ قرار دیتے ہوئے کیپشن میں ‘ اَن مٹ نقوش’ بھی لکھا۔

اس ویڈیو کو مداحوں نے بے حد پسند کیا اور کمنٹس میں دعائیہ کلمات بھی درج کیے۔

واضح رہےکہ 9 جون کو عامر لیاقت حسین کا کراچی کے علاقے خداداد کالونی میں واقعے اپنے آبائی گھر میں اچانک انتقال ہوگیا تھا، ابتداتی معلومات کے مطابق ان کا انتقال گھر میں جنریٹر کا دھواں بھر جانے سے ہوا۔