اوپواسمارٹ فون کی ابھرتی ہوئی مارکیٹ کے تناظر میں اپنی بہترین مصنوعات پیش کرنے کے لیے کوشاں ہے۔ اس نے حال ہی میں کے 10 فائیو جی ، اور کے 10 پرو 5 جی کے بعد کے سیریز کا ایک نیا فون اوپو کے 10 وائٹیلٹی ایڈیشن کے اجرا سے قبل اس کی بعض تفصیلات جاری کی ہیں ۔ ان میں اسمارٹ فون کی اہم تکنیکی تفصیلات بھی شامل ہیں۔

حال ہی میں ایک ویڈیو جاری کی گئی ہے جو بظاہر جان بوجھ کر لیک کی گئی ہے۔ ان میں سے ایک ویب سائٹ وائے لیب بھی ہے جواس سے قبل بھی کئی فون کی درست تفصیلات پیش کرچکی ہے۔ توقع ہے کہ سب سے پہلے اسے چین میں پیش کیا جائے گا۔

افشا شدہ راز کے مطابق اس نئے ڈیوائس میں اسنیپ ڈریگن 778 جی نصب ہے جو طاقتور ترین اسمارٹ پروسیسر بھی ہے جو اوپو کی افادیت کو بڑھائے گا۔ اسنیپ ڈریگن چپ سیٹ کے ساتھ اس میں طاقتور 5000 ایم اے ایچ کی بیٹری دی جائے گی۔ اس میں ریم کو بڑھایا گیا جو 12 جی بی تک ہوسکتی ہے جبکہ 256 گیگابائٹس کی اسٹوریج رکھی گئی ہے۔

اب مزید کچھ تفصیلات کی بات ہوجائے تو اس کا ڈسپلے ایل سی ڈی پر مشتمل ہوگا جس جا ریفریشنگ ریٹ مزید اچھا بنایا گیا ہے ۔ توقع ہے کہ کے 10 وائٹیلٹی ایڈیشن میں کا ریفرشنگ ریٹ 120 ہرٹز ہوسکتا ہے۔ اس میں ایک ایکس ایکسس لینیئر موٹر لگائی گئی ہے جو چھونے کا یعنی ہیپٹک احساس فراہم کرتی ہے۔

جہاں تک پرائمری کیمرے کا سوال ہے تو وہ بھی کسی سے کم نہیں اور اس میں 64 میگاپکسل کا کیمرہ لگایا گیا ہے۔ دوماہ قبل مئی میں اس کیمرے نے سارے معیارات کے ٹیسٹ پاس کئے ہیں اور اس کے بعد فروخت کے لیے تیار ہے۔