ایڈمنسٹریٹر کراچی مرتضیٰ وہاب نے  حکام کو ہدایت دی ہے کہ ایسے اقدامات کیے جائیں کہ گھروں میں پانی داخل نہ ہو۔

ایڈمنسٹریٹر کے ایم سی سندھ حکومت کے ترجمان و مشیر قانون سندھ بیرسٹر مرتضیٰ وہاب نے رات گئے گلشن معمار اور احسن آباد کا دورہ کیا۔

مرتضیٰ وہاب نے کہا کہ گلشن معمار اور احسن آباد کے اطراف بعض نالے اوور فلو کی شکایت تھی، علاقہ مکینوں کی نالے اوور فلو ہونے کی شکایت تھی۔

اس موقع پر ایڈمنسٹریٹر کراچی بیرسٹر مرتضیٰ وہاب نے رہائشی علاقے سے پانی کی نکاسی کی ہدایت کی۔

بیرسٹر مرتضیٰ وہاب نے حکام کو ہدایت دیتے ہوئے کہا کہ ایسے اقدامات کیے جائیں کہ گھروں میں پانی داخل نہ ہونے پائے۔

کے ایم سی، ڈی ایم سیز کے پمپس لگائے جائیں تاکہ علاقہ کمینوں کو فوری ریلیف مہیا ہو۔

مرتضیٰ وہاب نے مکینوں سے گفتگو کرتے ہوئے کہا کہ آئندہ کے لئے ٹھوس اقدامات اُٹھائے جائیں گے۔

دوسری جانب علاقہ مکینوں نے ایڈمنسٹریٹر کراچی بیرسٹر مرتضیٰ وہاب سے تشکر کا اظہار کیا۔

علاقہ مکین نے کہا کہ رات گئے ایڈمنسٹریٹر کراچی بیرسٹر مرتضیٰ وہاب ہماری داد رسی کے لئے پہنچے انکے شکر گزار ہیں۔

واضح رہے کہ میونسپل کمشنر کے ایم سی، ڈپٹی کمشنر ضلع غربی، ڈی سی ضلع شرقی، واٹر بورڈ کا عملہ، پیپلزپارٹی کی رکن قومی اسمبلی شاہدہ رحمانی سمیت دیگر انکے ہمراہ موجود تھے۔

اس کے علاوہ پیپلزپارٹی کے عہدیداران لالہ رحیم اور دیگر بھی بیرسٹر مرتضیٰ وہاب کے ہمراہ موجود تھے۔