پاکستان فلم انڈسٹری کی مقبول اور سوشل میڈیا پر ہر وقت زیر بحث رہنے والی اداکارہ میراجی کو خبروں میں ان رہنے کا فن آتا ہے۔

حال ہی میں عید کے موقع پر ایک نجی ٹی وی کے پروگرام میں میرا نے شرکت کی اور دوران انٹرویو انہوں نے  صف اول کی اداکارہ صبا قمر کی اپنے لیے ناپسندیدگی سے متعلق انکشاف کیا ۔

اداکارہ میرا کا یہ کلپ سوشل میڈیا پر کافی وائرل ہو رہا ہے جس میں وہ بتا رہی ہیں کہ صبا قمر پہلے دن سے نہیں چاہتیں کہ میں کام کروں اور اسکرین پر نظر آؤں۔

ویڈیو دیکھیں:

میرا کے اس انکشاف کے بعد شو کے میزبان نے انہیں یاد دلایا کہ آپ تو صبا قمر کے ساتھ ایک ڈرامے میں بھی جلوہ گر ہو چکی ہیں اور یہ بھی تو ہو سکتا ہے کہ لوگ نہیں چاہتے ہوں کہ آپ دونوں ایک ساتھ نظر آئیں۔

جس پر میرا نے بتایاکہ میں نے براہ راست تو صبا سے کچھ نہیں سنا لیکن ایسا مینجمنٹ کے لوگ کہتے ہیں کہ صبا قمر مجھ سے متعلق منفی باتیں کرتی ہیں، میرے لیے برا بھلا کہتی ہیں اور مجھے پسند نہیں کرتیں۔

میرا کا مزید کہناتھا کہ جن لوگوں نے مجھے صبا قمر سے متعلق بتایا وہ صبا قمر کے دوست ہیں اور ان کے قریبی لوگ ہیں۔

یہ بھی پڑھیں: میرا بھارتی سپر اسٹار سے شادی کی خواہشمند؟ نام جان کر آپ بھی حیران ہو جائینگے