پاکستان تحریک انصاف (پی ٹی آئی) کے رہنما علی حیدر زیدی کا کہنا ہے کہ آصف زرداری 9 ایم پی ایز سے رابطے میں ہیں۔

سماجی رابطے کی ویب سائٹ ٹوئٹر پر اپنے جاری کردہ بیان میں علی زیدی نے کہا کہ آصف زرداری! مجھے معلوم ہے تم پنجاب کے 9 ایم پی ایز سے رابطے میں ہو۔

آصف زرداری!

مجھے معلوم ہے تم پنجاب کے 9 ایم پی ایز سے رابطے میں ہو۔

Advertisement

مجھے یہ بھی معلوم ہے کس کے ذریعے تم ضمیروں کے سودے کرنے کی کوشش کر رہے ہو۔

وزیر اعلیٰ کے الیکشن میں شکست تمھارا مقدر بنی۔

انشااللہ اسپیکر الیکشن میں بھی دوبارہ اسی طرح شکست کھاؤ گے۔#عوام_کی_جیت

— Ali Haider Zaidi (@AliHZaidiPTI) July 28, 2022

انہوں نے کہا کہ مجھے یہ بھی معلوم ہے کس کے ذریعے تم ضمیروں کے سودے کرنے کی کوشش کر رہے ہو۔

سابق وفاقی وزیر نے مزید کہا کہ وزیر اعلیٰ کے الیکشن میں شکست تمھارا مقدر بنی، انشااللہ اسپیکر الیکشن میں بھی دوبارہ اسی طرح شکست کھاؤ گے۔

واضح رہے کہ پاکستان کے سابق صدر آصف علی زرداری کورونا وباء کا شکار ہوگئے ہیں۔

سماجی رابطے کی ویب سائٹ پر اپنے ایک پیغام میں وزیر خارجہ بلاول بھٹو نے پاکستان پیپلز پارٹی کے صدر کے متعلق اہم بیان جاری کیا ہے۔

 بلاول بھٹو نے بتایا ہے کہ صدر زرداری کا کوویڈ ٹیسٹ مثبت آیا ہے جبکہ ان کی ویکسینیشن کا عمل بوسٹر ڈوز سمیت مکمل ہے۔

انہوں نے بتایا کہ آصف زرداری کو کورونا کی معمولی علامات ہیں جس کا علاج جاری ہے۔

اس موقع پر وزیر خارجہ نے اپنے خیالات کا اظہار کرتے ہوئے کہا کہ ہم ان کی جلد صحت یابی کے لیے دعاگو ہیں۔