بڑی عید پر جانوروں کی رونقیں اور اس کے باعث جگہ جگہ گندگی نے شہر بھر میں ڈائریا اور گیسٹرو کی بیماری کو جنم دے دیا ہے۔

تفصیلات کے مطابق عید پر جانوروں کی قربانی، برسات کے باعث ٹھرے ہوئے پانی اور جگہ جگہ گندگی کے ڈھیر نے عوام میں ڈائریا اور گیسٹرو کی وباء عام ہوگئی ہے۔

کراچی میں گندگی اور تعفن کی وجہ سے شہر میں ڈائریا اور گیسٹرو کی وباء مزید پھیلنے کا خدشہ ہے۔

جناح اسپتال میں اس وباء کے معمول سے زائد رپورٹ ہوئے ہیں عید کے پہلے روز سے اب تک یومیہ 30 تا 40 مریض اسی کی شکایت لے کر آرہے ہیں۔

اس حوالے سے ماہرین کا کہنا ہے کہ ضرورت سے زیادہ گوشت کھانے سے بھی طبیعت بگڑ رہی ہے لیکن اصل وجہ گندگی اور تعفن ہے۔

ایسی صورتحال میں شہری پانی کو ابال کر پیئے اور صفائی کا خاص طور پر خیال رکھیں۔