شیخ رشید نے ڈی جی اینٹی کرپشن پنجاب رانا عبدالجبارکی تعیناتی لاہور ہائی کورٹ میں چیلنج کردی۔ 

لاہور ہائی کورٹ میں شیخ رشید کی جانب سے دائر درخوات میں وزیراعلی پنجاب، چیف سیکریٹری اور رانا ثنااللہ سمیت دیگرکو فریق بنایا گیا ہے۔

سابق وزیرداخلہ نے اظہرصدیق ایڈووکیٹ کی وساطت سے عدالت میں درخواست دائر کی جس میں انھوں نے مؤقف اختیار کیا کہ ڈی جی اینٹی کرپشن کی تعیناتی خلاف قانون ہے۔

وکیل شیخ رشید نے مؤقف اپنایا کہ 20 ویں گریڈ کے افسرکو ڈی جی اینٹی کرپشن نہیں لگایا جا سکتا۔ رانا عبدالجبار کا رانا ثنااللہ کے ساتھ تعلق ہےاسی بنیاد پرانہیں ڈی جی اینٹی کرپشن لگایا گیا ہے۔

وکیل اظہرصدیق نے عدالت میں درخواست میں مؤقف پیش کیا کہ رانا عبدالجبار کے خلاف عدالتوں میں فوجداری مقدمات زیر سماعت ہیں۔ عدالت سے استدعا ہے کہ  رانا عبدالجبار کو بہ طورڈی جی اینٹی کرپشن فوری کام سے روکا جائے۔

شیخ رشید کی جانب سے درخواست میں یہ بھی استدعا کی گئی رانا عبدالجبار کو ڈی جی اینٹی کرپشن پنجاب کے عہدے سے ہٹایا جائے۔