وزیر اعلیٰ گلگت بلتستان محمد خالد خورشید خان نے کہا ہے کہ انسانی جان بچانے کے لئے بہادری کا مظاہرہ کرنے والے نوجوان معاشرے کے لئے رول ماڈل ہیں۔

تفصیلات کے مطابق محمد خالد خورشید خان نے کھنبری دیامر سیلابی ریلے میں پھنسی دو بچیوں کو ریسکیو کرنے والے محمد جواز اور عاصم کیلئے سرکاری ایوارڈ اور فی کس دو لاکھ نقد انعام کا اعلان کردیا۔

انہوں نے کھنبری دیامر سیلابی ریلے میں دو بچیوں کو ریسکیو کرنے والے نوجوانوں کو زبردست خراجِ تحسین پیش کیا، وزیر اعلیٰ گلگت بلتستان نے دو بچیوں کو سیلابی ریلے سے ریسکیو کرنے والے نوجوانوں کیلئے سرکاری ایوارڈ، سرٹیفیکیٹ اور فی کس دو لاکھ نقد انعام کا اعلان بھی کیا۔

ان کا کہنا تھا کہ معصوم بچیوں کو سیلابی ریلے سے ریسکیو کرکے محمد جواز اور عاصم نے انسان دوستی کی بہترین مثال پیش کی، انسانی جان بچانے کے لئے بھرپور بہادری کا مظاہرہ کرنے والے یہ دونوں نوجوان پورے معاشرے کے لئے رول ماڈل ہیں۔