پاکستانی گلوکار علی ظفر اور ان کی اہلیہ عائشہ فضلی پاکستان شوپز انڈسٹری میں ایک ایسی جوڑی ہے جسے لوگ خوب پسند کرتے ہیں۔

یہ جوڑی سوشل میڈیا پر اپنی نجی زندگی کا زیادہ  تر حصہ  شیئر کرنا پسند نہیں کرتی۔

اس جوڑے کو ماضی میں کافی نقصان پہنچا ہے کیونکہ علی ظفر کو میشا شفیع کی جانب سے ہراساں کرنے کے الزامات کا سامنا کرنا پڑا تھا جو ایک ہائی پروفائل آرٹسٹ بھی ہیں تاہم  کیس کا فیصلہ ابھی تک نہیں ہوااور اب بھی عدالتوں میں گھسیٹا جا رہا ہے لیکن عائشہ اور بچوں کو بھی علی  ظفر کے ساتھ پریشانی کا سامنا کرنا پڑا۔

حال ہی میں علی ظفر کی اہلیہ نے انسٹاگرام پر  سوال و جواب کا سیشن رکھا جہاں ان سے ساری صورتحال کے بارے میں پوچھا گیا اور کیا وہ سمجھتی ہیں کہ علی ظفر بے قصور ہیں؟  تو انہوں نے کہا کہ بلکل! جب بلیک میلنگ شروع ہوئی تو میں وہاں موجود تھی اور دیکھا کہ سارا معاملہ کیا ہے۔

عائشہ فضلی نے کہا کہ بہت کچھ ہے جس کا ہم نے پردہ فاش کیا ہے۔

علی ظفر اور عائشہ فضلی کے دو بچے بھی ہیں جن کے نام’اذان‘ اور ’علیزہ‘ ہے۔

واضح رہے کہ پاکستانی نژاد کینیڈین اداکارہ میشا شفیع نے علی ظفر پر ہراسگی  کے الزامات عائد کیے تھے۔