پاکستان شوبز انڈسٹری کی سینئیر نامور اداکارہ اور میزبان ثمینہ پیرزادہ نے موجودہ ملکی حالات کو دیکھتے ہوئے ایک بار پھر جلد از جلد الیکشن کی حمایت کردی۔

انہوں نے سماجی رابطے کی ویب سائٹ ٹوئٹر پر جاری اپنی ٹوئٹ میں اپنی ذاتی رائے کا اظہار کرتے ہوئے لکھا کہ صاف شفاف اور آزاد الیکشن خواب نہیں ضرورت ہیں، جمہوریت کی بقا کے لئے۔

صاف شفاف اور آزاد الیکشن خواب نہیں ضرورت ہیں جمہوریت کی بقا کے لئے

— Samina Peerzada (@SaminaSays) July 1, 2022

اس سے قبل ثمینہ پیرزادہ نے ایک اور ٹوئٹ کی اور سوال کیا کہ میں بھی ایک عام شہری ہوں اور میرا بھی دل دُکھتا ہے اپنے ملک کے حالات دیکھ کر، صرف اس لیے کہ میں ایک اداکارہ ہوں تو معیشت پر اور سیاست پر بات نہیں کرسکتی۔

سینئر اداکارہ نے مزید لکھا کہ خیر خوش رہیں سب، کسی کو کچھ بھی کہنے سے پہلے تھوڑی سی تحقیق کر لینی چاہیے۔

میں بھی ایک عام شہری ہوں میرا بھی دل دکھتا ہے اپنے ملک کے حالات دیکھ کر۔صرف اس لیئے کہ میں ایک اداکارہ ہوں تو معیشت پر اور سیاست پربات نہیں کرسکتی۔خیر خوش رہیں سب۔ کسی کو کچھ بھی کہنے سے پہلے تھوڑی سی تحقیق کر لینی چاہیئے

— Samina Peerzada (@SaminaSays) June 26, 2022